d’Assonville (sr.), V.E. – Koning Dawid

KONING DAWID deur prof VE D’Assonville

Dit is ‘n pragtige voorbeeld waar die boeiende lewe van hierdie belangrike Bybelse figuur lewendig beskryf word, met die handhawing van die Skrifgesag. Dit neem die leser op Dawid se lewensreis, wat profeteer van die ewige Koning Jesus Christus wat “alle mag in die Hemel en op aarde besit”( Matt. 28:18). Lees bv. die Engel Gabriël se boodskap aan Maria: “Die Here God sal aan Hom die Troon van sy Vader Dawid gee”. (Lukas1:32).

In Lukas 2, die geboortegeskiedenis kan mens sien hoe Jesus se Naam met die van Dawid verbind word.

Die boek bied aan die leser heerlike leesstof en insig in die Bybel. Die naam Dawid word van alle name van mense in die Ou Testament, die meeste in die Nuwe Testament gebruik.

Vir die buiteblad is ‘n skildery van Koning Dawid deur Rembrandt gebruik. “Met die gesig van ‘n held vol patos en sy harp langs hom, kry ons die gevoel dat hy nou ‘n lydenspsalm gaan aanhef“.